Sunday, July 25, 2010

CPOC meeting ug People's Day sa Barangay Migara


Guin buhat kakulop san aga an usa nga special CPOC meeting sugad man People's Day sa Barangay Migara. Usa san katuyu-anan san nasabi nga meeting nga guin pangunahan ni Mayor Reynaldo Uy mao an pamiling pa-agi pag-solver san presente nga problema san Migara nga may kalabtanan kaparte san paz y orden.

Atun mahihunumduman san blog post sadto nga petsa 20 san Hulyo, usa nga emergency CPOC meeting an guinpatawag ni Mayor Uy katapos san nahitabo nga pusilay sa butnga san pipira nga miembro san PNP Calbayog ug si Lito Abajo nga usa nga murder suspect.

Pina-agi san pulong-pulong i-guin padangat san mga opisyales san nasabi nga barangay an ira mga sentimiento sugad man an nahibabaru-an mahitungod san panhitabo.

Si Mayor Reynaldo Uy kaupod sira Konsehal Danny Bernate, Vice Mayor Ronaldo Aquino, DILG City Director Valente Bajet, P1 Rolando Diaz ug si PSupt Nestor Valenzuela.

Presente san nasabi ngakatitirok sira Vice Mayor Ronald Aquino ug an pipira nga miembro san konseho nga sira Konsehal Danny Bernate, Konsehal Mon Uy, Konsehal Sonny Salurio, Konsehal Onx Montealto, Konsehal Charlie Boy Coñejos, Konsehal Jim Uy, Konsehal Ver Porlares, Konsehal Ronald Mark Aquino, Konsehal Arturo Pasacas ug sugad man si Board Member Charlie Coñejos. Kaupod guihapon nira an pipira nga mga Department Managers.

An pipira san mga opisyales ug lumulupyo san Migara san ira pagpadangat san ira mga ideya durante san guin buhat nga pulong-pulong.

Si Mr. Crisanto Pacho, an Principal san Migara Elementary School.

An espesyal nga komitiba nga guin aapihan san mga opisyales san ciudad sugad man san Barangay Migara ug san pipira nga miembro san CPOC antes san ira meeting agud makabiling paagi pag solber san presente nga problema kaparte san paz y orden sa nasabi nga barangay.

(Photos courtesy of Joel Lagang /CTIO)

No comments: