Guinbuhat sadto nga nakalabay nga Sabado an usa nga Medical Mission sa Barangay Tanval. Ini matapos makakarawat san report an City Health Office mahitungod san mga measles cases sa nasabi nga Barangay. An medical team mao an nagtambal san 10 active measles cases, 15 nga vaccination ug naghatag san medical service ngadto san sobra 40 nga mga pasyente.
An mga empleyado san City Health Office nga kaapi san Tanval medical team mao sira Dr. Genaly Romano, Dr. Zandro Daguman, Anna Liza Gomez, Jessica Jao, Grace Campos, Sandra Candidato, Vivian Jumagdao, Roberto Bracamonte, Felipe Ignacio, Ramil Catalan, Leo Cabanatan, Joseph Von Catorce, Ito Lunas ug si Eunice Paulino.
An Barangay Tanval ada nahihimutang sa Seven Hills area san distrito san Calbayog. Para sini nga misyonm, an medical team mao an nagsakay san CHO service vehicle tubtub sa "Tagungtong" usa nga lugar lahus san Barangay San Jose ug may-ada mga 19 kilometros nga distansya tikang sa Calbayog City proper. Ngan tikang sa "Tagungtong" nagbaktas sira sin mga 3 oras sa Barangay Tanval.
No comments:
Post a Comment