Guinbuhat kakulop an usa nga katitirok san magkadurudila-in nga ahensya san gubierno, mga opisyales san ciudad ug mga barangay, sugad man san mga magkadurudila-in nga mga liburan sa ciudad san Calbayog.
An katuyu-anan san nasabi nga meeting nga guin buhat sa Marju-Krisel Function Hall ug guin pangunanan ni Mayor Reynaldo Uy, mao an paghan-ay san mga detalye san guin pa-plano nga sinimana nga "Anti-Dengue Days" Program san ciudad san Calbayog.
Ini nga programa san ciudad nahimugso tungod san damu kaupay nga mga kaso san Dengue, dire la sa ciudad san Calbaygog, kundi sa bug-os nga Rehiyon 8. Atun mahihinumduman, an Rehiyon 8 mao an nanguna san mga rehiyon sa Pilipinas san pagkamay-ada pinaka damo nga "reported Dengue cases"; sugad man an Calbayog panlima sa Rehiyon 8.
Guin andam na an Executive Order No. 2 para san pagpirma san Alkalde san ciudad san Calbayog. Usa san mga magigin pitad sa sulod san Anti-Dengue Days Program mao an pagbisdita san mga empleyado labi na san City Health Office ug sugan man an mga kaapi san Tri-District Program, mga opisyales ug iba pa nga nadadabihan san mga barangay san Calbayog agud bumulig pagpuy-puy san problema san dengue.
(photos courtesy of Joel Lagang/ CTIO)
No comments:
Post a Comment