An ikaduha nga aktibidad nga guin atendiran ni Mayor Uy yana nga adalw mao an "Sumpay Higwa-us" nga guin buhat didto sa Calbayog City Sports Center. An nasabi katitiruk guin pangunahan san DepEd Calbayog pinaagi kan City Schools Division Superintendent Editha Paculan.
An nasabi nga okasyon diin an mga magturutdo san Calbayog nag hatag san ira tags nga mga musical numbers sa entablado, paagi san DepEd Calbayog pagpadangat san ira mga pagpasalamat kan Mayor Uy san iya mga bulig parte san aspeto san pan-edukasyon sa Cabayog sa siya usa pa nga Kongresista san primero distrito san Samar.
San ira mga mensahe, guin pangunahan ni Mrs. Paculan an mga magturutdo san mga pagpasalamat. Sugad man naghatag siya san mga update kaparte san mga liburan ug mga magturutdo sa Calbayog Division.
Si Vice Mayor Aquino guin gamit an oportunidad para pormal nga igpakilala an mga bag-o nga elehido nga opisyales san ciudad san Calbayog. Iya guihapun ginhatag an pagpatapod nga an Konseho san Ciudad san Calbayog maabuyaun san mga larang ni Mayor agud nga magin mabaskug pa an kooperasyon san LGU ug san DepEd.
Para kan Mayor Uy, daku an iya pagpasalamat san guin buhat san mga magturutdo pag "acknowledge" san iya mga bulig sa DepEd, ug sugad man san mga bulig san konseho san ciudad ug si anay alkalde Mell Sarmiento. Iya guin patapud nga padayun nga masuporta an Ciudad san Calbayog san mga larang san DepEd agud mas mapa-upay pa an aspeto san edukasyon sa Calbayog. Iya guihapun guin gamit an higayun agud igbahibaro sa mga magturutdo an Tri-District (3-D) Development san ciudad san Calbayog; ug diin dako nga parte sine mao an may kalabtanan san edukasyon.
Si Mayor Reynaldo Uy san iya paghatag san iya mensahe
Si Vice Mayor Ronaldo Aquino
Si Calbayog SDS Editha Paculan
No comments:
Post a Comment