The Bangon Falls Power Plant Project

Exactly a week ago today (yup) during the City Fiesta, the City Government entered into a Memorandum of Understanding (MOU) with SAMELCO I and Clean & Green Energy Solutions Inc. on the Bangon Falls Power Plant Project.

MOU signing. Mayor Mel Sarmiento (seated center) as he signed the Memorandum of Understanding with (l) Mr. Jose Ocampo Ilagan of Clean & Green Energy Solutions, Inc. and Mr. Rodel Lim of SAMELCO I. Looking on are Vice Mayor Ronald Aquino and Councilor Ina Rabuya.

Let me give you Eleen Lim's report on the actvitity:

Posible nga sa siyahan nga bahin san masunod nga tuig 2009 pagtitikangan an konstruksiyon san Bangon Falls Power Generation Project, an proyekto nga mag poproduce san kuryente tikang san tubig sa nasabi nga falls.

Ini an ginpahayag ni Jose Ocampo Ilagan, Presidente san Clean n Green Energy Solutions Inc., an kumpaniya nga mao an mag tutukod ngan mamamahala san nasabi nga proyekto. Sumala kan Ilagan gagamiton nira an nahibibilin nga parte san yana nga tuig agud makakuha san kadugangan nga fundo para san nasabi nga proyekto, ngan agud ig verify pa an nahi-una nga evaluation nga iginhimo san C. Lotti Associates.

An rapid technical and financial evaluation nga iginhimo san C. Lotti Associates nagpapakita nga mahihimo makag-develop san 2.88 ka megawatt san mini hydro power plant sa nasabi nga falls.
Igindugang pagpahayag ni Ilagan nga maabot ngadto san tikang 14 ngadto sa 15 ka bulan an magigin construction sini nga proyekto, sanglit kun masusunod an schedule, posible nga pag abot san kabutngaan san tuig 2010, magigin operational na an nasabi nga planta.

Kasumpay sini, igin klaro ni Ilagan nga waray angay nga igkabaraka an mga molopyo san Calbayog kabahin san possible nga karat-an nga mahidudurot san proyekto ngada san aton kapaligiran.

Dida san nakalabay nga Lunes nga adlaw, igin-pirmahan san siyudad san Calbayog, SAMELCO I ug san kumpaniya ni Ilagan an Memorandum of Understanding kabahin san pagtukod na san nasabi nga proyekto, ug an magigin obligasyon san kada partido. Sa panahon nga mahuman ug magin operational na an nasabi nga planta, mahatag an Clean n Green san 5% san ira kita ngada san siyudad komo nananag-iya san Bangon Falls, ngan 3% naman nga kita ngadto sa SAMELCO I nga mao an maghahatag san 13.2 ka kilovolt nga distribution line ngadto sa Bangon Falls.
An Samelco I la liwat amo an igintagan san katungod nga makapalit san kuryente tikang san nasabi nga proyekto, agud ig distribuer naman ngada san mga kunsumidor.